देबराज राई, कतार – नेपाल प्रवासी आदिवासी जनजाती महासंघ दोहा कतारले नेपाली दूतावासका द्धितीय सचिव, कवि एवं नियात्राकार जय बहादुर छाङ्छा राई लाई रात्रि भोजको आयोजना सहित विदाई तथा संम्मान कार्यक्रम सम्मान गर्यो। कार्यकम दोहाको हिमालयन रेष्टुरेन्टमा ३० मार्च २०१३ का दिन संम्पन्न गरिएको थियो । महासंघ कतारका कार्यवहाक अध्यक्ष प्रकाश आलेमगरको सभापतित्वमा कार्यक्रम संम्पन्न भएको थियो।
महासंघ कतारका संस्थापक अध्यक्ष अमृत गरुङ्ग,सल्लाहकार सदस्यहरु दिल किरण खजुम, देव रानामगर, कोष अध्यक्ष महेन्द्र थापामगर लगायत महासंघ कतारका संम्पूर्ण पदाधिकारीहरुको उपस्थिती रहेको थियो। त्यस्तै मातृसंस्याहरुको तर्फवाट तमु समाज कतारका वरिष्ठ उपाध्यक्ष कृष्ण तमु, मगर संघका महासचिव शरण थापामगर, प्रवासी सुनुवार सेवा समाजका अध्यक्ष राम वहादुर सुनुवार, किरात याक्थुङ थुम्लुङका केन्द्रिय सदस्य विजय लक्सम लिम्बु, नेवा पुःचका अध्यक्ष राधेश्याम मर्हजन, किरात राई यायेक्खा शाखा कतारका प्रमुख सल्लहकार चन्द्रसेर राई, नेपाल प्रवासी तामाङ्ग समाजका अध्यक्ष शंखलाल तामाङ्, नेपाल प्रवासी भूजेल सेवा समाजका संरक्षक नारायण भूजेल लगायत नवोदित मोवाईल पुस्तकालयमा अध्यक्ष रेगिस्थानी कवि तिर्थ संगम राई, बाग्लुङ् सेवा समाजका अध्यक्ष मदन श्रीस मगर साथै अन्तराष्ट्रिय कलाकार मंचका अध्यक्ष डिएन मगर लगायत पत्रकार, समाजसेवी, वुद्धिजीवीहरुको उपस्थिती रहेको थियो। मातृसंस्थाहरुको तर्फवाट नेःवा पुचका अध्यक्ष राधेश्याम मर्हजन, सल्लाहाकार सदस्यहरु देव रानामगर, दिल किरण खजुम एवं संस्थापक अध्यक्ष अमृत गरुङ्ग लगायतले द्धितीय सचिव राई लाई विदाईका शुभकामना सहित आफ्ना विचार राख्नु भएको थियो।उपस्थित सदस्यहरुले द्धितीय सचिव राईले नेपाली दुतवास दोहा कतारमा रहेर सारा नेपालीहरुको हितमा गरेका कामहरुको चर्चा गदै उहाको आगामी दिनहरु को सफलता, सु–स्वास्थ्यको कामना व्यप्त गरे।
विशेष अतिथी राईद्धारा महासंघ कतार प्रति धन्यवाद व्यप्त गर्दै, नेपालका आदिवासी जनजातीहरुले आफ्ना हक अधिकारका लागी गर्दै गरेका आन्दोलन र मागहरुप्रति सफलताको कामना व्यप्त गनुभयो।साथै नेपाली नियोगमा द्धितीय सचिव रहेर गरेका कर्यहरु एवं आफ्ना जिवनकालका अनुभवहरु पनि साट्नु भएको थियो। महासंघ कतारका कार्यवहाक अध्यक्ष प्रकाश आलेमगरद्धारा विशेष अतिथी राईलाई सम्मान पत्र प्रदान गरिएको थियो।संस्थापक अध्यक्ष, सल्लहकार सदस्यहरु, मातृसंस्थाका प्रमुखहरु, प्रतिनिधीहरु लगायत उपस्थित सदस्यहरुले खादा ओढाएर सम्मान प्रदान गरिएको थियो।किरातहरुको सर्वमान्य सम्मान सेतो पगरी संयुत्त रुपमा सुनुवार सेवा समाज, किराया शाखा कतार एवं कियाचु कतारले टाउकामा वाधि सम्मान प्रदान गरिएको थियो । सभापति प्रकाश आलेमगरद्धारा संम्पूर्ण उपस्थित सदस्य प्रति धन्यवाद व्यप्त गर्दै विशेष अतिथी राईलाई शुभकामना सहित उहाँको आगामी दिन सुखद सफल र सु-स्वास्थ्यको कामना सहित कार्यक्रम समापन गरेका थिए। महासचिव देवराज राईले कार्यक्रम संचालन गरेका थिए।
